::Breytingar eru yfirstíganlegar::

Annáll

2007-01-06T12:51:00.000Z

Annállinn minn: Ég gerði fullt af skemmtilegum hlutum, flest þegar ég var drukkin, marga þegar ég var í London og eitthvað þegar ég var drukkin í London. Einhverjir gerðu einhverja hluti með mér, miklar líkur á að áfengi hafi verið með í spilinu.
Mig langaði sjúklega að gera fyndin annáll eins og litla systir mín gerði, en það var því miður ekki hægt.
Það má vera að þetta sé mitt síðasta blogg. Ef ekki, þá mun ég blogga aftur.

Ef ég hlakkaði meira til jólanna en djamms...

2006-12-05T20:20:00.000Z

Mig langar svo að djamma.

Bara að próf væru búin.

Hver ætlar á ballið?
Hver ætlar að vera ölvaður með mér alla helgina eftir próf?

Ef ég segi þér að gera það, gerðu það.

2006-11-26T18:51:00.001Z

Ég ákvað að lauma inn smá bloggslefu í tilefni þess að Nóvemeber sé að verða búinn. Gleðjist allir komu prófa og almennrar geðveiki. Í ljósi nýmótaðrar ljóðaritgerðar mun þetta blogg verða laust við allar tilfinningar, þar sem orð mín eru orðin þurrausin eftir tilfinningalegan mokstur.

Það sem brennur á á vörum fólks:

Einstakt Dimmisjónball. Fólk virðist hafa verið að misskilja djammleysi í prófatíma og notað upp allan drama og ölvunarkvóta fyrir restina af árinu. Ef þú veist um eitthvað drama sem ég veit ekki af, ekki segja mér, ég er í overloadi.

Annars virðist mikill fjöldi fólks vera alinn upp í þeirri trú að lögmætt sé og rétt að heimsækja bloggsíður og lesa efni þeirra án þess að láta vita af sér. Slíkt er ritstuldur og óhæfa. Samtök hundsaðra bloggara á Íslandi eru fluttir á veraldarvefinn og halda úti síðu um málið: Hér, og hyggja þeir á að koma á fót rukkanakerfi þar sem settur verður upp einskonar stöðumælir og kvitti fólk ekki fyrir lesninguna skuli það bara borga og hætta þessu væli.

Uppkomandi bókmenntakvöld sem verða haldin í skólanum í byrjun miðbiks vikunnar. Þar verður svarað spurningur eins og: Eru Íslendingar að sækja innblástur í sjálfa sig? Veit einhver eitthvað um konur? Er hundrað ára einsemd bara fyrir perra? Má í alvörunni ekki hafa kveikt á kerti í MH? Kemst hestur inn um gluggann á stofu 15? etc.

Svo elska ég Box

Þegar kulda tekur er gott að eiga

2006-11-15T20:53:00.000Z

Hlutir sem eru ekki hátt á vinsældarlistanum þessa dagana:
Kuldi
Að screena MSN
Það sem ég skil ekki (of mikið til upptalningar)
Rit
Diet-Coke
Ásgeir Kolbeins
Bíó
Allt sem tengist akstri ungmenna
Svíþjóð
Súkkulaðibitakökur
Reykingar
Blek
...

Bætið við eftir þörfum.

Að gefa upp öndina?

2006-10-31T16:46:00.000Z

Þegar ég hefði átt að vera að nýta tíma minn í svefn í gærnótt var höfuð mitt uppfullt af hugsunum um dauðann. Ég er nefnilega afskapleg áhugamanneskja um dauðann, þó án þess að vera eitthvað sjúkleg. Mér finnst bara óheyrilega gaman að hugsa um þetta allt saman, hvað muni nú eiginlega gerast þegar líkaminn hættir að starfa? Mun þessi vöðvi í hausnum á okkur hætta að hnoða og heilastarfssemi okkar og öll sjálfsvitund hverfa eins og matur af diski?
Eða er einhverskonar sálartetur hýst þarna inni sem mun hefja sig á loft og flögra á vit nýrri og e.t.v. betri heima? Munum við skoppa á skýjum eða engjast í eldglæðingum, baula sem beljur eða fæðast sem barn nágranna okkar, eða kannski bara á annarri stjörnu til hægri?

Því er nú samt þannig fyrir mér farið að ég trúi heldur eiginlega ekki á dauðann, og þá heldur ekki að ég geti dáið. Ég samþykki og skil að allir deyi einhvern tímann en það nær ekki alla leið hjá mér að ég eigi eftir að gera það.
Ég get nú samt ekki annað en ímyndað mér að það séu fleiri en ég sem trúa á ódauðleika sinn djúpt inní einhverjum vöðvanum, og þá óttast ég nokkuð um allar þessar hvatvísu og ógurlega forvitnu sálir sem láta á ódauðleika sinn reyna.
Ef ég væri ekki svona óttalegt grey væri ég líklega búin að reyna að skoða allar þessar hugmyndir betur. Verst þykir mér þó þegar að um daginn þegar þeir sönnuðu að "the light at the end of the tunnel" væri einungis ensím sem fólk sæi inní höfðinu á sér. En eins og sagt er, þá er það bara kallað yfirnáttúrulegt þar til vísindin hafa fundið skýringu á því. Eða kannski er það bara ég...

Hún Jórunn sko

2006-09-25T18:20:00.000Z

Ég hef hvorki orku né anda til að blogga þessa dagana. Verð samt að gera það svo september sé ekki blogglaus. Vinsamlegast lokið augunum og ímyndið ykkur að ég hafi bloggað frábært og fyndið blogg. Kommentið svo á það blogg.
Nokkur stikkorð sem gagnast gætu við gerð bloggsins:
rúntur
hnakki
stökkmús
gömul kona
ölvun
kuldi
höfn
ber
tæling
fé.

Grass not so Green

2006-08-16T20:00:00.000Z

Þessa dagana er ég eins og hestur. Fnæsandi og hnussandi yfir óspennileika íslensk grass. Lund mín léttist þó aðeins vegna þess að í gær kláraði ég loksins prófin og er því officially komin í sumarfrí. Eins lengi og það endist. Svo er ég alltaf í vitlausu landi þykir mér. Sumarnæturnar hafa verið nokkuð kaldar undanfarið og einmanalegar. Ég hef samt ekki mikla löngun til að byrja í skólanum og er trega stundatöflunar minnar í að birtast á lofuðum degi merki. Kannski er enginn skóli.
Ég stytti mér stundir í óhamingju minni með lestri bókmenntaverka og
nostalgíukasta yfir því sem ég er greinilega að missa af.
Ég þarf að læra að meta það sem ég hef.
Ég geri það eftir að ég hef lært á lífið.

Drama og drag

2006-07-31T16:03:00.000Z

Ég vissi að um leið og ég ætlaði í sumarfrí þá mundi allt springa í loft upp. Þessi helgi var líklega viðburðarríkasta helgi lífs míns, það sem gerðist ekki núna er fátt.
Hressleikahelgin byrjaði á Húsavík þar sem ég og Erna fórum í leit að nostalgíu á Mærudögum. Það gekk ekki vel því allt fólkið sem við kynntumst í fyrra var ekki á staðnum. Ölvuð María Moritz var hins vegar á staðnum en við þurftum ekki að taka boði hennar um að gista í húsbílnum hennar því Ernubíll fær fullt hús stiga fyrir fönksjón sína sem húsbíll.
Við héldum áfram hring okkar um landið og fórum næst á Austfirðina og hittum Helgu á ættarsetri hennar á Fáskrúðsfirði. Undirbúningur fyrir sveitaball hófst og var ölvun okkar prýðileg. Ballið byrjaði vel, við þekktum ekkert lag en dönsuðum bara samt.
Í einni ferð okkar út af ballinu til að fá okkur frískt loft féll ein okkar kylliflöt á magann og krafðist þess að fara heim.
Eftir smá rökræður var komist að því að það væri besta lausnin í málinu að fylgja henni heim og snúa aftur á ballið. Á leiðinni heim vöktum við ekki næga athygli meðal unga sveitafólksins sem fyllti þar allar götur og gripu því tvær okkar til sinna ráða og byrjuðu að rífast og slást með tilheyrandi gráti og gnístran tanna. Sú þriðja lenti á milli og í hasti sínu að komast heim lenti hún í því að kalla 21 árs stúlku dreng sem að varð til þess að stúlkan varð brjáluð og ætlaði að lemja saklausu sálina. Henni tókst sem betur fer að komast innan dyra en stúlkan elti hana heim og endaði með að grýta garðhúsgögnunum í stofugluggann og mölva hann.
Lögreglan á Fáskrúðsfirði var ekki lengi á staðinn og ákváðu vinkonurnar að kalla þetta gott og fara bara að sofa, ef ekki væri bara vegna þess að málingin var komin um allt vegna úrhellis.

Á leiðinni heim daginn eftir komumst við að því að kokteilssósa er lífshættuleg í umferðinni. Ferskt.
Svo má ekki gleyma að ég var ekki sú eina sem lenti í slagsmálum, Bobbin lenti í ryskingum við trailer en hafði ekki mikið í hann og var DOA. Engin slys urðu á fólki. Óska því eftir fólki sem vill skutla mér í skólann í vetur, strætó er víst að hætta.

Til þeirra sem málið varðar.

2006-07-26T13:47:00.000Z

Til að byggja upp innra sumarskap mitt í þessum þunga veðurhami hef ég ákveðið að taka mér þriggja vikna frí til að dvelja á heilsuheimili í Hveragerði.
Síðan mín ætlar því að taka sér verðskuldað sumarfrí, enda var umræðuleysi farið að hrjá svo að væri til skammar. Ég stefni á að snúa aftur endurnærð um miðjan ágúst. Blómvendir og "Láttu þér batna!"-kort vel þegin. Ég mun dvelja á HH undir nafninu Snæfríður Ásmundsdóttir til að forðast ágang. Þakka sýndan samhug.

(þó gæti farið svo að ég bloggaði eftir helgi ef að fjölþjóða-hringferð okkar ernu verður ég lofa samt engu(þá má líka búast við þeim merka stórburði að ég muni í fyrsta skipti sýna myndir á síðunni, frá ferð okkar stúlknanna til London og áðurnefndri hringferð))

Hitabylgja og heimfarir

2006-07-19T13:01:00.000Z

Þá er loksins komið að því. Klukkan 3 á föstudaginn kem ég heim eftir stundardvöl mína í Lundúnum. Það er að segja ef ég lifi þennan hita af. Það er nefnilega gífurleg hitabylgja hér og ég er við það að leggjast niður og gráta af hita. Því þetta hundrað&40ára hús hefur ekki þann lúxus sem loftkæling er. Annars er betra veður í dag en í gær þar sem það er einungis 35 stiga hiti en ekki 37 eins og var í gær (haha, ég er svo fyndin). Tilhlökkun mín í að koma heim í yndislegan 12°hita er því skiljanlega ómæld því það er bara svo langur tími sem maður getur þolað af svona veðri og þetta hefur verið mjög heitt sumar. Ef þið viljið heyra mig tala meira um hvað mér er heitt (því það er það eina sem ég get hugsað um), skiljið endilega eftir skilaboð og ég skal endilega fræða ykkur meira um það, annars hittumst við á klakanum um helgina ;)

St. Petersburg - Supergrass
On my way home - The Perishers
Summerbreeze - Emiliana Torrini

Aloha

2006-07-14T09:58:00.000Z

Ég er að hugsa um að fá mér ukulele. Ef það kemst í töskuna mína. Ef ég verð famous ukulele-spilari þá hef ég afsökun fyrir að vera 103 kíló. Ukulele-spilarar eru ekki mjóir, það er ekki í stíl.
Ég trúi ekki að ég sé að renna út á tíma. Ég á enn eftir að gera svo mikið.

Menntun andans

2006-07-07T11:58:00.000Z

Er að pæla hvað ég eigi að gera um helgina þar sem þetta er síðasta solo helgi mín hér í London. Veit ekki alveg hvort ég hef orku í meiri söfn og verslanir svo það er spurning hvort maður eigi að hætta sér út fyrir borgarmörkin.
Var að hugsa um að kíkja til Oxford eða Cambridge og skoða skólana. Væri gaman líklega í svona hálftíma.
Svo hafði einhver sagt við mig að ég þyrfti að fara að Stonehenge, en tveggja tíma lestarferð og svona 3ja mínútna skoðunargildi.
Já, þetta er erfitt líf, að eyða helgum sínum. Sem betur fer koma ástirnar mínar í traditional-síðustu-viku-heimsókn um næstu helgi og stytta mér stundir. Svo kem ég heim 21.júlí og verð rosa ánægð með lífið. Ef hefur áhuga á að djamma þá helgi þá krefst ég þess að vera með.

Hvernig ætli það sé að eiga sumarfrí sem maður eyðir ekki öllu í að telja niður dagana? Það þætti mér gaman að prófa.

Um helgina mína:

2006-07-03T09:39:00.000Z

okei, var búin að gera risastórt blogg þar sem ég lofaði helgina mína og elskaði lífið en það virðist hafa glatast. Svo hér er summary:
Helgin mín var frábær, besta helgi lífs míns nánast.
Ég sá: Eitthvað sem ég þekki ekki, Suzanne Vega, Starsailor, Texas og Roger Waters, The Zutons, Razorlight, Primal Scream og The Who. Hvert öðru betra, sumt kom á óvart en The Who...fullkomnun. Pete Townshend er snillingur á gítar.
Okei? okei.

Not gonna take it

2006-06-30T13:07:00.000Z

Ég get ekki breytt herberginu mínu hér úti svo ég lagðist í það að skella einu meikóver á bloggið mitt, sem var, þið verðið að játa, orðið svolítið þreytt. Endalaust hvítt og léttklæddir menn. Aðeins of rómó eitthvað. Ég er ekki sérstaklega rómanstísk svo það sagði ekki mikið um mig. Vitar, hver stundar vita? Hvað er málið með vita? En mér líður betur núna, einskonar friður yfir sál minni að vita að þessu sé lokið af, breytingunni ógurlegu. Og miðað við færni mína á þessu template dótaríi virðist ég hafa einhverja innbyggða tölvukunnáttu. Eða kannski var þetta bara heppni...

Fór á Death Cab For Cutie tónleika á miðvikudaginn eins og ég minntist á í fyrra bloggi hér og ég verð að segja, þessir tónleikar voru frábærir. ALveg með bestu tónleikum sem ég hef farið á. Þeir spiluðu í tvo tíma, tóku bestu lögin af Plans og öll önnur bestu lög og nokkur sem enginn virtist kunna. Svo var söngvarinn hættulega hress á sviðinu, hefði ekki séð hann sem týpuna en hann sló marga hressa gaura út með hressleika sínum. Svo voru þeir svo hógværir, eins og þær væru hissa á fagnaðarlátunum í fólkinu, alltaf að þakka fyrir sig eftir hvert lag og segja að við værum frábær (en þeir fá borgað fyrir það svo það telst ekki með).

Um helgina er það svo festival með Roger Waters, Starsailor (loksins fæ ég að sjá þá) og THE WHO. Verst að spáð er 30 stiga hita og glampandi sól um helgina svo það er eins gott að maður passi sig að fá ekki sólsting.

21 dagur eftir. Cheers

Heh

2006-06-26T10:06:00.000Z

Það er góður dagur í dag. Í fyrsta skipti í júní er íslenskt veður, rigning og kuldi. En yndislegt.
Af mér er ekkert að frétta, hitti Mekkín um helgina og við versluðum nauðsynjar fyrir hana því að taskan hennar týndist í fluginu. Slæmt mál, en vonum bara að hún finnist fljótt.
Nú býst ég við að Hróarskelda sé í fullu fjöri, eða amk að fara í fullt fjör. Skila kveðju til ykkar sem sitja heima í biturleika. Ég sit ekki heima í biturleika því á miðvikudaginn er ég að fara á Death Cab tónleika og svo á ég helgarpassa á Hyde Park Calling.
Lífi mínu er bjargað og fullkomnað. Svo eru líka bara rúmlega þrjár vikur þar til ég kem heim. Það vottar fyrir að ég hlakki til. Til að hemja heimfararfögnuð minn eru Helga og Erna að koma í heimsókn eftir rúmlega tvær vikur.
Þá er þessari bloggleysu lokið, ég varð bara að monta mig. Cheers

Kynþáttahatur?

2006-06-21T14:05:00.000Z

Það var kvöld. Það var tekið að rökkva og rakinn í loftinu kominn í hámark svo skyggni var mjög slæmt. Það var varla sála á ferð. Ég stóð ein í opnu skýlinu og beið eftir að vagninn léti sjá sig. Eftir stutta stund sá ég strætóinn vera að koma keyrandi fyrir hornið. Ég tók skref fram og veifaði honum til merkis um að hann ætti nú að stoppa.
Mér til mikillar gremju reyndist þetta ekki vera strætó heldur offeit rauðklædd manneskja á hjóli. Ég sendi henni illt augnarráð og kom mér aftur fyrir að bíða eftir strætó.

Já, þetta blogg er tileinkað feitu fólki. Fyrir mér er feitt fólk sérstakur kynstofn, eins og kínverjar eða svertingjar. Þá er ég að meina offeitt fólk, fólk sem að er vaxið upp úr bílum og ja, flestu öðru sem eðlilegt fólk tekur sem sjálfsagt.
Ég er á því að það ætti að gera það löglegt að hlæja og benda á feitt fólk.
T.d. þegar ég var í Underground um daginn var þar ung stúlka (svona 25 ára) sem tók þriggja manna pláss í stappaðri lestinni. Eina ástæðan yfir að ég vissi að þetta eintak var kvenkyns var að í stað fernra brjóstanna sem karldýr tegundarinnar hafa þá var hún með 8 og frekar stærri en karldýrið fær. En það sem ég hugsaði, ætti svona fólk ekki að þurfa bara að bíða eftir að umferð væri minni í lestar? Er það ekki sanngjarnt fyrir þessar þrjár manneskjur sem komust ekki um borð í lestina vegna hennar? Hinar manneskjurnar áttu sér örugglega eitthvað líf, þessi var bara að fara heim að borða.
Eitt sem ég hef aldrei náð í sambandi við fitabollur er þegar þær taka sig SJÚKLEGA mikið á, missa 270 kíló og fara í fitness og verða nokkurnveginn mannlegar aftur, þegar þær auglýsa út um allt að þær hafi nú einu sinni verið 350 kíló og gróið fastar við sófann áður en þær tóku sig á. Þaðskemmir alveg effektið, eins og að segja að þú hafir nú einu sinni verið með þennan kynsjúkdóm sem að...
Já, ég bara næ þessu ekki.
Svo einhvernveginn nær þetta fólk að fjölga sér og útkoman er sú að börn eru farin að fæðast offeit! Er ekki kominn tími á að gefa út passa á barneignir, eins og konan sem mátti ekki ættleiða af því að hún var í of góðum holdum (umrædd kona var þó ekki offeit að mínu mati). Hverskonar líf ertu að dæma barnið þitt í ef að það þarf að upplifa offitu og heilsukvillana sem henni fylgja frá fæðingu?

Oj á ykkur. (Ég skoðaði fullt af obesity myndum og það var allt fólkið hvítt? What's wrong with you people?)

Heim(ilis)þrá

2006-06-12T10:30:00.000Z

Ég sver það, ég get ekki farið til útlanda án þess að það komi hitabylgja. Síðastliðna vikur er búið að vera 25°+ og ég er að bráðna. Þetta er farið að hafa stórfelld áhrif á nætursvefn minn, þó ég sé búin að losa mig við dúnsængina.
Svo er fólkið að fara til Ítalíu í þriðja skipti um helgina sem þýðir að ég hef (drungalega drauga)húsið fyrir mig í 3 daga. Þá verður sko legið í sólbaði enda er spáin góð um næstu helgi, 24°og sól. Gott líf.

Þrátt fyrir agnarögn af einmanaleika hér úti er ég að hugsa um að setjast hér að. Svo mikið er ástfóstur mitt við þessa borg, sem er frábær. Lífið væri svo miklu auðveldara. Þarft ekki að eiga bíl því það er hægt að komast allt með underground og lest. Svo með hjálp stórfallegrar búðarstúlku hef ég grafið upp ótal frábærar búðir sem eru einungis lestarferð í burtu. Miklu ódýrara að búa hér.
Ef mig vantar föt þá skelli ég mér í Covent Garden og næli mér í nokkra second-hand kjóla á 10-15£, skó og aukahluti get ég fengið í Notting Hill á 5-10£, og yndislega litla antíkbúðin á Northcote Road (gatan mín) selur skartgripi á 5-300£ (antík demantshringi einhver?).
Þessar litlar antíkbúðir út um allt sem selja krúttleg húsgögn og innanstokksmuni fyrir tölur og skeljar. Ég þarf að hafa mig alla við til að tapa mér ekki inní einni þeirra því það væri svoldið erfitt að fara heim með 70ára bókaskáp í ferðatöskunni (hann var svo fallegur og kostaði bara 30£).

Það góða við Ísland er að það er ekki svona heitt þar og maður þarf ekki að kaupa vatnið. Þið getið líka verið ágæt, stundum.

The OC knocks XXXXXXX XXX

2006-06-05T12:29:00.000Z

var að komast að hræðilegu plotti í oc sem þýðir að það verður pottþétt ekki 3. sería. komst að þeim með því að lesa titil á grein sem er c/p ér að ofan, en án spoilera. ég er sjokkeruð á þessum atburðum og get ekki beðið eftir að sjá þáttinn með þeim. þá verður lífið sko spennandi.
það kom frábært veður hér um helgina og ég hugsaði mér gott til glóðarinnar og ætlaði að næla mér í smá brúnku sem jafnaðist á við OC. endaði sem röndóttur tommi tómatur. frekar slæmt mál en ég lifi það af.

yndislegri vikur þar sem vinnuveitendur mínir voru í fjallgöngum á Ítalíu er lokið og bjargaði ingvar mér frá ofsahræðslu því ég hefði dáið ef ég hefði þurft að vera ein í þessu húsi. aðeins of stórt.
við brölluðum margt skemmtilegt, versluðum, djömmuðum, fórum á söfn, villtumst, urðum aðskilin með strætó (ekki með gemsa á okkur), villtumst aftur, misstum af síðustu lestinni heim, eyddum miklum pening og fórum meira að segja út fyrir bæinn. góð ferð í alla staði semsagt.

nú eru einungis sex,5 vikur í heimkomu mína. ég trúi því ekki!

E.t.v. ekki um neitt?

2006-05-27T12:29:00.000Z

Þegar ég var barn las ég mjög mikið, vægast sagt. Þegar ég var búin að lesa allar áhugaverðar bækur á bókasafninu sneri ég mér heim til ömmu minnar og afa, en þau áttu þónokkuð af bókum frá því að móðir mín var barn. Það voru bækur á borð við Millí Mollí Mandý, Baldintáta eftir Enid Blyton og svo bækur eins og Anna Rósa fer í jólaleyfi, Sigga Vigga fer í vist, Emilía og Sveitasetrið og fleira í þeim dúr. Þessar bækur fjölluðu yfirleitt um miðstéttarstúlkur sem voru ljóshærðar og sætar, gengu í heimavistarskóla og áttu fátæka og feita bestu vinkonu. Það var nánast aldrei nein ástarsaga í þeim þó að það væri kannski minnst á sætan tenniskennara, þær komu aldrei upp um bófa né komu sjálfum sér í vandræði. Þær stóðu sig framúrstefnulega vel í skólanum, sungu einsöng með kirkjukórnum og söfnuðu pening svo að fátæka og feita besta vinkona þeirra kæmist með þeim í sumarbúðir. Þetta voru ekki bókmenntir aldarinnar en þetta kom manni í gegnum daginn.
Ég veit ekki hvert ég er að fara með þessu, fór allt í einu að hugsa um þessar bækur og stóðst ekki mátið að deila því með heiminum. Líka þetta, ánetjandi:
klikk

P.s. Ég er hálfnuð?

Djúpar pælingar framundan...

2006-05-23T15:08:00.000Z

Ég er mikil áhugamanneskja um tíma. Ég get eytt heilu dagstundunum í að hugsa um tíma, pæla í honum og flækjast fram og aftur í djúpum hugsunum um tíma. Ég er því með nokkuð velmótaðar pælingar um þetta allt saman og því vekja til dæmis allar skáldsögur og bíómyndir um tímaferðalög mikla kátínu hjá mér, sérstaklega þær þar sem söguhetjurnar fara aftur í tíma og breyta honum. Ég veit ekki hver er heimskur þar, höfundurinn eða neytandinn.
Ég hef líka lesið þónokkrar bækur um efnið, þó bara skáldsögur. Hef ekki mikinn áhuga á að lesa "Tíminn og ég" eftir Mikael Sarki. Ein bók sem að hafði tímann að einu aðalefninu er ný útkomin bók sem heitir "The time-travellers wife" eftir Audrey Niffenegger, Mér fannst hún frábær og ég mæli sterklega með henni, ef einhver hefur áhuga.........
Hvað sem því líður, þá er því nokkuð óumflýanlegt að stundum grípi mig svolítil óttatilfinning þegar ég uppgötva að tíminn er að hlaupa frá mér. Það er þegar ég er að pæla í morgundeginum og gærdeginum og öllum tímanum sem ég eyði í að óska að meiri tími væri liðinn. Ég held að tilhlökkun sé ákveðið form af óþolinmæði, sem er ósk um að láta tímann líða hraðar. Annars er ég ekki óþolinmóð manneskja. Ég geri mér grein fyrir því að tíminn mun líða og enginn ástæða að vera að pirra sig á því.
Það sem ég hefði mikinn áhuga á að vita er hvort að tíminn gæti liðið misjafnt hjá fólki? Það er eiginlega ekki hægt að mæla tíma þannig, því gæti mínúta hjá mér verið lengur að líða en hjá þér þrátt fyrir að það sé mínúta hjá okkur báðum og líði jafnhratt í samkvæmt klukkunni.
Því miður hef ég ekki tíma til að deila frekari pælingum með ykkur, þarf að fara með barnið á McDonalds (working my ass off here).

Crumpets?

2006-05-11T13:39:00.000Z

Sit hér í lúxus og borða kirsuber eftir að hafa sleikt sólina síðan um hádegi og ákvað að skella einu bloggi á mannskapinn, vonandi ykkur til mikillar gleði.
En annars er allt gott að frétta, eins og venjulega.
Búin að taka túristann á London; frænka mín kom hér um daginn og við fórum saman í rækilega verslunarferð á Oxford Street, skelltum okkur svo í hina margrómuðu double-decker strætó-túra sem London er fræg fyrir.
Rúntuðum um alla London í þeim og lærðum margt og merkilegt, t.d. að Circus, eins og í Oxford Circus of Piccadilly Circus tengist ekki sirkus, heldur er það komið úr latínu og þýðir hringur. Ég hafði a.m.k velt þessu lengi fyrir mér.
Tókum líka eitt stk. siglingu niður Thames, sem er nokkuð góð dægrastytting og ég mæli með henni, þó að það hljómi kannski ekki svo vel.
Fórum líka á Portobello Road sem er nokkuð spennandi og villtumst aðeins í Notting Hill en sáum því miður ekki hina frægu dyr sem sem var sögusvið hinnar hugljúfu kvikmyndar Notting Hill.

Svo er veðrið búið að vera frábært hér, sól og sumarylur alla virka daga. Verst er að það er miðaldra austur-Evrópubúi á stuttbuxunum einum fata að mála sólstofuna (þetta er þriðja vikan, hversu lengi er hægt að vera?) og ég er ekki að fara að sólbaða mig við hliðina á honum, frekar ógnvekjandi útsýni. Ég hef því þurft að leita á náðir túnsins sem er hér fyrir ofan götuna, ekkert slæmt að vera þar en samt frekar opið :/

Ég geri því lítið annað þessa dagana en að sinna léttum húsverkum (er orðin straumaster, tek skyrtuna á fimm mínútum!), sem skilur mikið pláss eftir fyrir dagdrauma. Listinn yfir hlutina sem ég ætla að gera þegar heim er komið er orðinn alllangur. Þetta eru frekar miklar skýjaborgir þar sem að veðrið sem ég sé fyrir mér mun líklega ekki láta sjá sig nema einn dag. Ég sé því fram á að þurfa að nýta hann vel.
Það er samt alveg ótrúlegt hvað maður saknar mest hversdaglegu hlutanna, hlutir sem mig langar mest að gera eru:
Gönguferð í Nauthólsvíkina,
Sitja og drekka íste fyrir utan kaffi París,
Koma heim snemma morguns/seint nætur og það er bjart!,
Bobbinn.
Já, þvímiður sé ég ekki fram á að eiga eftir að keyra neitt hér því það er svo dýrt að bæta mér inná tryggingarnar. Get ekki sagt að það syrgi mig, bretar eru brjálaðir í umferðinni.

Ég held að þetta sé komið gott af röfli og ef einhver skilur það sem ég er að reyna að koma á framfæri þá á hann heiður skilinn.

Ps. Var þetta hinn margumræddi Jón hennar Ernu? Ég hélt að hann væri ekki á landinu á sumrin?
Pps. Minni fólk á 12. Maí. *hóst*

Oh, honestly

2006-04-25T19:33:00.000Z

Ég veit ekki hvað fólk heldur að ég sé að gera hérna úti miðað við hvað ég er oft spyrð að því hvað ég sé að gera og hvað sé í fréttum! Ég er ekki með einhvern skyndilegan æsispennandi rokkstjörnu lifnaðarhátt þar sem ég þeysist á milli staða í limmu og versla bara M&S...

Okei, engann biturleika. Ég hef það mjög gott hér, eini brasaði maturinn sem ég fæ er sá sem ég bý sjálf til (ég þarf stundum að elda handa stráknum og ég kann eiginlega bara að elda steiktan mat og súpur, nokkuð skothelt). Fór reyndar á típískan breskan veitingabar, með mismunandi æpandi munstri á veggjum, gólfi og gluggum og húsgögnum. Hætti mér þó ekki í "Traditional English Breakfast - Bacon, Egg and Chips", heldur fékk mér létt-brasaða samloku.
Það er samt magnað hvað Londonbúar eru allir kurteisir, alltaf þegar ég fer út þarf ég að vera að spurja til vegar(A-Zinn passar ekki í töskuna mína :/) og fólk er alveg dásamlega tilbúið að benda mér hvert ég eigi að fara. "The train station? Why, it's right behind you dear!"

Á morgun eru komnar þrjár vikur síðan ég kom hingað, og því aðeins 12 eftir... en hver er að telja? Mér finnst það ágætis tími á að vera orðinn þekkt manneskja á local Starbucks-inu, og ég þakka debet-kort myndinni minni fyrir það. Takk 12 ára Alda.

Svo eru auðvitað hlutir sem manni er ekki alveg nógu vel við, vatnið er t.d. viðbjóður og ég hef drukkið eitt glas af gosi síðan ég kom hingað. Eyði hins vegar óhugsandi fjárhæðum í vatnskaup sem stríðir á móti öllu sem ég hef lært í lífinu.
Svo hata ég koddann minn útaf lífinu. Hvers vegna að sofa með kodda sem er að reyna að komast í burtu? Og ekki reyna þetta "en það er svo þægilegt að móta hann undir höfuðið á sér, nákvæmlega eins og maður vill hafa hann!", nei, það er ekki þægilegt að vakna um nóttina til að laga koddann sinn, aftur og aftur.
Reyndar þegar ég vakna um næturnar til að flytja koddann aftur undir höfuðið á mér, þá losna ég við hræðilegar martraðir sem eru búnar að vera að elta mig undanfarið. Þær fela í sér mannýgt straujárn og fjall af skyrtum og teygjulökum. Ég hef aldrei skilið fólk sem vill strauja öll fötin sín. Ef þú ert á annað borð komin á nærbuxurnar fyrir framan einhvern, þá er hann pottþétt ekki að fara að pæla í hversu krumpaðar þær eru.

Shees

Hamingjusama páska

2006-04-16T11:22:00.000Z

Þá eru aðrir páskarnir sem ég eyði ein í útlöndum komnir. Þeir síðustu voru í Færeyjum árið 2000. Þeir voru nokkuð svipaðir og þessir. Ég var svoldið vandræðaleg á heimili ókunnugs fólks og það var ekkert að gera því búðirnar voru lokaðar. Horfði þess vegna á Ten things I hate about you...2svar. Það er reyndar möguleiki hér að búðir séu opnar, en ég ætla ekki að spreða í underground til að koma að öllu læstu. Rölti í besta falli út á Starbucks. Fer svo heim og borða páskaegg nr.2 frá Nóa Siríus.
Á þriðjudaginn er hinsvegar planið að fara á Oxford Street og í London Eye. Ég hugsa ekki til morgundagsins.

Ég ætla að láta eins og þetta blogg hafi aldrei verið skrifað.

Vegna eftirspurnar.

2006-04-11T11:10:00.000Z

Okei, ég gefst upp.

S.s, ég bý í hverfi sem heitir Wandsworth, og er notalegt úthverfi í svona hálftíma lestarferð frá central. Nokkuð fínt. Húsið er örugglega svona 200 fermetrar, á þrem hæðum, með þremur og hálfu baðherbergi og krúttlegum garð. Upp götuna er stór garður, og vestur við okkur er "lítil" verslunargata sem er svona eins og Laugarvegurinn, með Starbucks, risastórri Debenhams o.fl.

Fjölskyldan er fín, þau vinna frekar mikið mamman og pabbinn (hef séð pabbann 2x), stelpan (90módel), er í burtu í íþróttaferðalagi en kemur heim á föstudaginn. Elsti strákurinn býr á Íslandi en er heima núna um páskana. Litli strákurinn sem ég passa er svoldið krútt með óslökkvandi kvikmyndaáhuga. Ég gæti sett hann fyrir framan sjónvarpið kl. 8 um morguninn og hann mundi vera sáttur þar allan daginn.

Ég fæ helgar frí og svo fer mamman með báða strákana til Íslands á næsta þriðjudag og ég verð nokkurnveginn ein heima. Hinsvegar, í lok maí, fer öll fjölskyldan í vikufrí til Róm og ég verð hér ein. Frekar furðulegt ef þú spyrð mig.

Á þessum stutta tíma sem ég hef verið hér er ég búin að skreppa í næsta bæjarhverfi, Wimbledon, og þar virðast allir vera tennisóðir. Mall-ið hét eitthvað svona úr Tennis og flestar búðirnar líka. Á föstudaginn skrapp ég með underground (fyrsta skipti sem ég fer í neðanjarðarlest og ég gerði það ein, lestin bilaði á miðri leið...), til Piccadilly Circus og skoðaði mig aðeins um. Það var frekar kúl (fannst mér).
Nú er ég komin með þessar lestir á hreinu og næst á dagskránni er að skella sér í Soho og Covent Garden sem eru nokkurnveginn hlið við hlið. Verst að það eru páskar um helgina og allt lokað. Ojæja, er í fríi alla næstu viku.

Hmm, e-mail: aldaj@internet.is
póstur: 26 Morella Road, London SW12 8UH

Vona að allir séu æstir í að senda mér drasl og fréttir í e-mail. Það væri nokkuð vel þegið.

Meðan ég man, Takk Héðinn ;)

Alda Júlía.

Ef ég væri rík

2006-04-07T14:00:00.000Z

Ég er að pæla í að koma mér upp smávægilegri fötlun. Ekki andlegri heldur einhverju eins og seinþroskuðum fæðingargalla. Ég ætla ekki að fá mér öryrkjaréttindi heldur hafði ég hugsað mér að nota þessi forréttindi til að vera bitur út í heiminn og láta fólk vera næs við mig vegna þess að ég á bágt.
Ég er þegar byrjuð að plana hvað hægt væri að gera með þessa fötlun.
+Ég gæti fengið fatlaðrabílastæði
+Ég gæti alltaf verið frekar leiðinleg við ókunnuga og þegar þeir brygðust illa við mundi ég benda þeim á fötlun mína og horfa ásakandi á þá.
+Ég mundi líka nota ofangreint bragð á kennara, e.t.v kalla þá fordómafulla líka.
+Ég mundi alltaf vera rosa bitur út í heiminn þegar ég talaði við fólk, og ef einhver mundi vera bitur á móti mundi ég tala um hvað þeir væru nú heppnir að vera frískir.
+Ég mundi skemmta mér mikið þegar ég væri gömul, m.a vera búin að safna auði og gefa hann allan til styrktar fötluðum þegar ég dey. Vera samt búin að hinta mikið að ég ætlaði að arfleiða hinn og þennan ættingjann að honum öllum.

Já, ef ég væri skrítin væri sko gaman.

Next Stop: Camden

2006-03-28T14:23:00.000Z

Á svona 6-átta vikna fresti grípur mig rosalegur leiði og órói. Líf mitt verður rosalega innantómt og frekar ömurlegt eitthvað. Lausnin á þessum vanda er oftast að breyta í herberginu, (því seinna kvölds því betra). En síðast þegar þessi ömurleiki greip mig þá lenti ég óvart í því að sækja um starf sem au-pair í London.
Ég fékk svo óvart starfið og þá gat ég nú ekki annað en þegið það.
Svo fimmta apríl næstkomandi kveður Alda Júlía Magnúsdóttir hið kalda land elds og heldur til Englands að skemmta sér (vonandi).
Hún hefur því ekki mikinn tíma til að blogga, heldur þarf hún að læra svo mikið að hún fær líklega taugaáfall áður en hún kemst út. En það er henni að kenna, hún hefði ekki átt að trassa ALLA heimavinnu annarinnar fram á síðustu stundu.

Alda lofar að vera dugleg að blogga þar til 21. júlí, en þá kemur hún heim. Engu lofað eftir það.

Niðurrif

2006-02-13T22:23:00.000Z

Ég varð gripin skyndilegri ofsalöngun til að taka þátt í andlegum bloggheiminum, svo hér er það:
Segðu eitthvað fallegt um mig og

1. Ég segi þér eitthvað handahófskennt um þig

2. Ég segi þér hvaða lag/mynd minnir mig á þig

3. Ég segi þér hvaða bragð minnir mig á þig

4. Ég segi þér fyrstu ljósu minninguna mína af þér

5. Ég segi þér á hvaða dýr þú minnir mig á

6. Ég spyr þig að einhverju sem ég hef velt lengi fyrir mér um þig.

Já, ég er hóra.

Lítil þúfa

2006-02-01T20:52:00.000Z

Af hverju eru ekki til flatir blýantar?
Eða eru þeir kannski til og ég hef verið að fara á mis við lífið?
Hverju öðru er ég þá að missa af? Er tilgangurinn einhversstaðar þarna úti líka? Langar mig að vita það? Langar mig að vita hvort mig langi að vita það?

Að ári

2006-01-04T01:16:00.000Z

Gleðilegt ár allir saman og takk fyrir það liðna. Mér finnst nú vera kominn tími á smá uppgjör og ætla því að raða saman nokkrum orðum um hið frábæra, en liðna, ár 2005. Nýtt fólk villtist inn í hjarta manns og ástin var í loftinu eins of fuglaflensan, rosa fá tilfelli.

Veturinn var frábær og mikil eftirvænting eftir því hvort komandi vetur muni verða eins góður. Árshátíðir, skíðaferðir og páskafríið er eitthvað sem fólk á eftir að horfa á með spenningi.

Það voru mikil tímamót á vorinu, stórar ákvarðanir teknar um framtíðina, nána og fjarlæga.

Sumar var tími ævintýra, vináttu og óvenjulegheita. Húsavík er orðið, staður sem ég mun seint gleyma. Æðiflipp með borgarstjórum og heimsförum, spánverjum og hvölum, villimönnum og geðsjúklingum, sveitafólki, hestastóðum og blautum litlum lömbum.
Sumarsól, stórborgar við ströndina og verzlingar fylgja líka með í endann.

Í haust var ýmist prílað á fjöll eða fallið í gjótur. Sjálfsleit og flóttatilraunir voru framkvæmdar, með engum árangri. Reynt var fyrir sér á ýmsum starfsstöðum og stóð ársins fimmta með herðar og höfuð fyrir ofan hinar, vegna yndis.

Svo árið 2005 fær þá heiðurseinkunn 8,3 og ósk mín um að 2006 sé betra er þegar farin að uppfyllast. Svo við sjáum bara að ári.

Gleðileg jól allir saman!

2005-12-24T18:28:00.000Z

Megi magar ykkar verða troðnir og gjafirnar margar og góðar. Hafið það gott á jólunum elskurnar mínar allar saman, ég veit að ég geri það.

Og með þessu uppgötva ég heiminn á nýtt.

2005-12-04T23:11:00.000Z

Ekki er mikið að segja frá síðustu viku, skólinn endaði og ég fann pennaveskið mitt eftir annarleit, ég vann og svo fór ég í magnað partí þar sem Silvía Nótt var sem og fjölhommaðasta partí að sögn gestgjafans. Þar var feikistuð þrátt fyrir vafasaman tónlistarsmekk áðurnefnds manns.
Í þessari viku stendur samt eitt atvik upp, það var á fimmtudaginn. Ég lagði upp í heljarinnar för og ræddi margvíslegar búðir sem tæki óratíma að fræða upp hér. En ég fann holdgerving fullkomnunar, eitthvað sem ég hef leitað að í mörg ár og ekkert jafnast á við, og það í hverfisbúðinni, Strax. Hér er mynd sem gæti gefið hugmynd:

Það eru kannski ekki allir sem skilja þann unað sem fylgir því að finna góðan tannbursta, en ég geri það. Ég veit fátt skemmtilegra en að kaupa mér tannbursta, en reyni samt ekki að gera það ekki oft. Ég viðurkenni að ég hef ekki prófað nýja tannburstann frá Colgate sem á víst að bursta tunguna líka, en hafi einhver gert það er hann beðinn um að skrifa stutta umsögn á þennan veg: ***/*****

Meira samt um nýfenginn tannburstann minn, sem að ég sver að hefur allt. Hann er með fimm mismunandi litum á burstinu, þ.á.m gúmmíi til að nudda gómana á meðan tannburstun stendur (!), bláum bursta fremst sem er hærri svo hægt sé að bursta líka á erfiðu stöðunum s.s við jaxlana. Ég hef ekki enn áttað mig á til hvers hinir burstarnir þrír eru, en þeir svínvirka alveg.

Svo það eina sem ég þarf að gera er að finna mér virkilega gott tannkrem, og þá ekki eitthvað með efnum sem eru skaðleg náttúrunni. Kannski það sé á það lítandi að búa til sitt eigið? Fer í það á eftir kertagerðinni. Gleðileg Próf allir saman.

Jólalöngun augnabliksins: Læmingi

Nýjum degi fylgir nýtt brauð.

2005-11-23T19:35:00.000Z

Ég hefi eigi ritað ferska færzlu í þónokkurn tíma. Hvers vegna hef ég eigi vitneskju um. Helzt trúi ég að það sé sökum anna, en þó er það sennilega vegna iðjuleysis og andleysis.
Annir mínar koma vegna loka annarinnar. Allt heila haustið hef ég staðið í þeirri fölzku trú að ég stæði mig sannarlega vel í skólanum, en ég hefi lifað í lygi. (Ég hefi lengi vitað að ég er ættleidd.)
Nei.
En nú líður senn að hátíð ljóss og friðar, eða líkt og almúginn kýz að kalla það, jól. Dreg ég þessa ályktun ekki af dagatalinu, heldur því að unnvörpum má heyra angiztarvein og grát og gnýstran tanna vegna taugaveiklunar komandi tíma. En það kemur okkur ekki við. Við hlæjum að þeim sem minna mega sín...
Nei.
Ég gefst upp. Það má einhver annar gera þetta fyrir mig. Gestblogg einhver?

Þetta var besti dagur lífs míns!

2005-10-21T14:36:00.000Z

Eiginlega ekki. Ég fór ekki einu sinni í sund.
En nóg um það, aftur til baka. Þessi umrædda setning.fullyrðing (hér fyrir ofan, tititillinn) hefur valdið mér miklum heilabrotum. Mér finnst þetta eiginlega setning sem maður ætti bara að geta notað einu sinni, varla áttu marga bestu daga lífs þíns? Og ef maður er alltaf að skipta, er þá ekki verið að gera lítið úr þessum fyrri bestu dögum manns? Eins og þeir hafi bara ekki þýtt neitt sérstakt, bara æji, þú veist, þetta var bara síðasti besti dagur lífs míns, núna er þessi það. En svo kemur aftur á móti ef maður notar þennan frasa aldrei, á maður þá engan besta dag lífs síns?
Ég ætla að halda áfram að hugsa um þetta...

Áttaviti óskast!

2005-10-19T19:52:00.000Z

Ég fékk mér göngutúr eftir að hafa lesið atvinnusíður Morgunblaðsins. Ég var í svartri peysu og brúnum strigaskóm, gallabxum.
Út um framdyrnar, til hægri út úr götunni, niður göngustíginn í skólagerðið, og þar týndi ég mér alveg. Stór, snæviþakin fjöll gnæfa yfir mér og nakin tré hristast og skjálfa. Ég veit ekki í hvaða átt ég á að fara, svo hjálp óskast.

Áttavillt fólk fær aldrei þá fræðiaðstoð sem það þarfnast - það eru alltaf þessi óvæntu gatnamót sem að rugla mann alveg í ríminu og láta mann enda upp í Sölum.

Ómur af klukknahljóði

2005-10-10T09:32:00.000Z

Ég er í mjög persónulegri uppreisn og er að blogga í líffræði. Hvort það sé uppreisn gegn kennaranum eða sjálfri mér veit ég ekki.
Ástæða þessa bloggs er það að ég er mjög áhrifagjarn einstaklingur og þegar DV er farið að fjalla um eitthvað sem tískufyrirbæri verð ég að taka þátt. Svo ég er'ann.

~Ég hata Birgir Örn Símonarson af öllu hjarta og hug. Lógík er innifalin í því hatri. Maðurinn er fáviti og á ekkert gott skilið. Megi allur hans matur brenna við.

~Ég var að taka til í geymslunni og fann jólabarnið í mér ofan í kassa merktum "Jól 1998". Það er þegar tekið til við að vinna upp tapaðan tíma. Jólaraul...

~Ég er ekki enn vaxin uppúr þeim æskudraum um að verða prinsessa þegar ég verð stór. DraumaPrins á hvítum hest óskast því. Má ekki hafa blá augu né afbrigðileg eyru. Gott ratskin kostur en ekki nauðsyn.

~Mér finnst berjasúpur mesti viðbjóður í heimi. Löng saga sem inniheldur orðin drullumall og neydd.

~ Ég hef aldrei tímatil að gera neitt, ekki einu sinni til að klára þetta klukk.

Ég klukka Helgu!

Ó hve fallega fuglarnir sungu...

2005-09-11T13:30:00.000Z

Ég er eiginlega ekki að blogga. Ég er bara að reyna að halda flekanum á floti. Öll mín andagift hefur gleymst á Húsavík...einhverjir sjálfboðaliðar að koma með mér þangað og ná í hana? Ég hef grun um hver hafi stolið skáldskapargáfu minni, og eins dýrmæt og hún er e rég hissa á að ekki hafi borist krafa um lausnargjald.

Ég hef einnig uppgötvað að sama hversu gamall þú ert, þá ertu samt aldrei nógu gamall. Það sýnir sig réttilega þar sem Ástarfleyið er að sigla úr höfn og ég er ekki um borð. Bara vegna þess að ég er ekki nógu gömul.
Ástarfleyið er besta hugmynd sem íslendingar hafa fengið síðan að þrjátíuhverfunum var komið á fót. Ég er þegar búin að taka frá kvöld fyrir áhorf. Þetta verður frábært.
Og nú er bara eitt eftir: Þekkir ÞÚ einhvern á Ástarfleyinu??!

Borgarbarn eða sveitabarn?

2005-08-09T11:21:00.000Z

Ég held að þessir gatnagerðarmenn ættu að faa að taka því rólega. Maður er eitt sumar í burtu og allt í einu er ómögulegt að komast leiðar sinnar. Ég var að reyna að komast niðrá Hlemm, tek eina saklausa hægribeygju og enda rammvillt í Vesturbænum.

Ég er að fara til sólarlanda á morgun... :)
Ekkert frekara blogg fyrr en eftir tvær vikur.

Stundum er bara betra að hugsa ekki um það...

2005-08-08T12:49:00.000Z

Ég er komin heim. Hef þegar gert alla nauðsynlega hluti sem gera þarf í bænum. Ég fór á útsölu og keypti mér fullt af dóti sem mig langar ekki að eiga. Ég fór í Ikea og keypti mér þrjár kúlur sem ég hef ekki hugmynd hvað ég ætla að gera við en varð að kaupa vegna þess að þær kostuðu bara 50kall. Svo fór ég líka í klippingu. Hárið á mér er miklu síðara öðru megin og ég er enn að velta fyrir mér hvort ég fíli þetta. Ég held ekki, en hver fer og segir gaur með skæri að maður líki ekki verk hans?

Ég fór líka í bíó. Það virðist vera nýjasta nýtt hérna í höfuðborginni að fara í 10bíó á sunnudögum. Fólk þarf eitthvað að enduskoða það.
Ég fór á The Island sem var bara hreint ágæt mynd þrátt fyrir að ég væri ekki alveg sammála henni. Klónarnir vildu ekki deyja svo þeir flýðu með óða gaura á eftir sér sem drápu alla sem komu nálægt þeim, og svo nokkra sem voru bara frekar langt í burtu. Frekar frekir klónar ef þú spyrð mig.

Ég þarf að þjóta, er að fara á Árbæjarsafnið...

Húsavíkurblogg

2005-07-28T22:04:00.000Z

Vá, það er svo langt síðan ég kom hénna að ég mundi sjálf sverja uppá að þessi síða sé dauð. En framfarir eru góðar.
Nema í sumar. Framfarir voru úti í sumar. Ég tók engum framförum, frekar lítið af tjekkum á tjekklistanum mínum:

Tjekklisti sumarsinsins 2005:
Læra að prjóna, og í framhaldi af því prjóna mér stóran trefil með hestamynstri -
Lesa eitthvað meistarverk eftir Halldór Laxness og kunna eftir það að meta Harry Potter -
Sjá fyrrverandi borgarstjóra baða sig nakinn í sjónum kl. 4 um nótt meðan ég næli mér í tan X
Læra að spila á gítar svo að ég geti trúbbað á Bauknum og síðar fært út kvíarnar til Akureyrar -
Vera tekin fyrir of hraðan akstur XX
Fara á typpasafnið X
Deita helsta glæpamanni Húsavíkur (hann var taken) -
Hýsa átta manna spænska farandhljómsveit á eldhúsgólfinu hjá mér X
Fara í karókí á Oddvitanum X
Fara heim og þvo öll fötin mín og ryksuga (5.ágúst!!!)

Eitt hefur dvölin hér á klakanum kennt mér og það er það að Reykjavík er yndisleg stórborg á heimskvarða. Ég á reyndar eftir að sakna verslunarklasans hér, er þar er: Töff Sport, Töff Ljós og Töff Föt...
Og já, skólinn er frábær staður (skemmtileg fakta: þaðer helmingi minna fólk í MH en býr á Húsavík) og heimavinna er það besta síðan ostur var uppgötvaður.
Ég verð að hætta núna, það stendur illilegur ítali yfir mér og heimtar að fá að komast í tölvuna...Kók ó Bauk fyrir þá sem koma á Baukinn (haha, ég vinna á gamalli dós)

2005-05-12T03:13:00.000Z

ókei, nú er ég orðin 18. Búin að vera það í þrjá tíma og ég er enn að bíða eftir essari tilfinningu sem hefur látið á sér standa ALLA hina afmælisdaga mína. Þessi "hey, vá, nú er ég loksins orðin eldri og svona líður mér yfir því"-tilfinning.
Eina sem ég finn fyrir núna er andvaka.
Mér finnst ég virkilega svikin. Á ekki 18 ára afmælið að vera þvílíkt merkilegur áfangi? Allar bíómyndir hafa þessa rosalegu afmælistilfinningu. Manneskjan lifnar öll við og fær svona "hey, vá, svo svona er að vera orðin eldri. Allir möguleikarnir!"-brag yfir sig alla.
Ef einhver hefur upplifað svona afmælistilfinningu má hann gjarnan segja mér, annars lýsi ég frati á öll afmæli og hætti við þau.

En hlutir sem ég ætla að gera nú þegar ég er orðin 18:
•Fá mér kreditkort með feitri yfirdráttarheimild og steypa sjálfri mér í glötun.
•Skrá mig úr Þjóðkirkjunni.
•Hegða mér betur heima – er orðin fullorðin...
•Gera mitt besta til að komast í sund á barnaverði.
•Fara inn á klámbúllu.
•Selja áfengi.
•Fá mér tattú.
•Flytja til Húsavíkur.

Hey, vá, sólin er að koma upp...og tilfinningin er ekki enn komin. Ég ætla að reyna að ná tveggja og hálfstíma svefni áður en ég fer að hitta Helgu í sundi. (ég vona líka að 18 ára tilfinningin sé ekki geðbilun, ég held ég sé nefnilega orðin það)

Keppni brandara fyrir fólk með æðra skopskyn!

2005-05-07T16:54:00.000Z

Aahh, ég nefni þetta blogg (góðra) aulabrandara. Ég er vitaskuld bráðgáfuð manneskja svo að það er varla hægt að kalla þetta aulabrandara, en fimmaurabrandarar eru eitthvað svo cheap. Brandarar fyrir hærri vitsmunastig kannski??
Hér eru mínir uppáhalds:
Það var einu sinni kind sem datt ofan í skurð en það var allt í lagi því hún var með súkkulaði í vasanum!
Ég sver að ég hló samfleytt í klukkutíma þegar ég heyrði þennan fyrst og hann er ennþá góður fimm árum seinna.
Það voru einu sinni þrír bræður sem hétu allir Gísli nema Eiríkur sem hét Helgi!
Þessi er bara skólaferðalög 10.bekkjar. Góðar stundir...

Áhlustun dagsins: Nýdönsk

Klappstýrur kannski?

2005-05-05T18:32:00.000Z

Ég er komin með hinn þekkta prófaferskleika-sjúkdóm. Þegar ég vaknaði í morgun leið mér eins og ég hefði brotist inní ríkið, dáið þar og verið svo keyrð heim í hjólbörum. Ástandið batnaði ekki þegar ég leit í spegil og ég leit nákvæmlega svona út.
Er búin að eyða deginum í að þykjast læra spænsku, ef einhver hefur handí tips á hvernig best sé að falla á prófi er það vel þegið. Ég var svona að gæla við þá hugmynd að svara prófinu bara öllu á frönsku, en þá mundi ég líka þurfa að læra frönsku fyrir morgundaginn svo að það gekk ekki. Gekk ekki listi hérna um árið á netinu þar sem taldar voru upp skemmtilegar leiðir til að falla á prófi? Hvað er málið í stöðunni?
Ég frétti að lokaballið væri 18. maí...eruð þið að sjá þetta? Lokaball-júróvisjón undankeppni-útilega-júróvisjónalvörukeppni. Vala, ég treysti á þig!

Smá grín í endann fyrir okkur unglingana: Fyrir stelpurnar og fyrir strákana. Mér fannst þetta bara of fyndið.

I am a rock

2005-05-03T18:44:00.000Z

Já, þá er loksins komið að því. Prófin eru byrjuð og eldri unglýður landsins liggur í þunglyndi og leiðindum þegar hann ætti að vera að njóta lífsins í góða veðrinu.
Eftir fall á prófum mun svo verða tekið á því með svo miklu djammi að að ekki verður svefnvært í kílómeters radíus.
Því þið trúið því bara ekki hvað kellingin er að fara að gera í sumar...Hún er bara komin með vinnu á hóteli, í 550 km fjarlægð. Í útsveitum og afdölum landsins eða svona hérumbil. Ef þið leggið leið ykkar á Húsavík þá verð ég þar :)
Svo í hvert sinn sem ég mun hafa frí mun ég ætlast til ofurpartýhalda og skemmtanna, að dansinn duni fram á nótt og áfengið fljóti. Svo ekki é talað um Benidorm eftir 99 daga, jibbí!
Ég veit ekki hvað ég er að gera...

2005-04-24T19:51:00.000Z

Það er sunnudagur. Það er kvöld. Sólin skín. Ég er að hlusta á Cruel Summer með Bananarama. Mér langar í ís. Það eru allir að læra. Mér leiðist.
Í gær leiddist mér ekki. Ég fór og leigði Cinderella Story. Hún var mjg skemmtileg. Klisjumyndir eru skemmtilegar. Leigði hana með Ernu, og einmitt þegar ég var að bíða fyrir utan húsið hennar (Erna lætur ALLTAF bíða þvílíkt eftir sér), kemur ekki bíll keyrandi framhjá og kunnulegt andlit lítur á mig, rekur upp stór augu og byrjar svo að vínka eins og Mikki mús. Var það þá ekki bara Vala á rúntinum með lífvörðunum sínum í fáförnustu götu Vesturbæjar Kópavogs. Svo keyrði hún sína leið og ég hélt áfram að bíða.
Ég ætla núna að reyna að fá einhvern með mér í ísbíltúr, ef það heppnast ekki þá fer ég ein! Gleðilegt Sumar!

This blog has no title

2005-04-23T17:20:00.000Z

Gamlar konur hafa ekkert að gera ef þær eru komnar með svo mikla gigt að þær geta ekki prjónað lengur. Sjónvarpið kemur ekki til móts við þær og ef þær eiga þau á annað borð þá hafa börnin og barnabörnin hvorki tíma né nennu til að tala við þær. Svo hvað eiga gömlu konurnar að gera? Þær fara í Blómaval. Þær kaupa BARA tilboðsvörur og reyna ALLTAF að fá elliborgaraafslátt ofan á hinn afsláttinn og verða ALLTAF þvílíkt hneykslaðar þegar það tekst ekki.

Garðálfar eiga eftir að verða eilífir, ég sver það. Það er alltaf einhver hluti fólks sem gæti ekki án þeirra verið, þeir eru bara SVO flottir. Og svo halda þau virkilega að þeim sé stolið vegna þess að þjófunum langi í þá. Hahaha
Skemmtileg saga um garðálf: Ég var eitthvað út að aka með vinkonum mínum seint um kvöld og við enduðum í botnlangagötu í Hafnarfirðinum. Þegar við vorum að snúa við kemur ekki gaur út úr hornhúsinu, klæddur bara í náttslopp, rýkur út í garðinn sinn og tekur með sér inn garðálfinn sinn. Við erum að tala inn stærstu gerð af garðálf, svona metersháan. Það er ekki öll vitleysa eins.

En núna er ég búin í vinnunni, við sjáumst heil!

Blaður svefnmúsar (man einhver eftir Mighty Mouse?)

2005-04-17T12:44:00.000Z

Enn ein viðburðarrík vika liðin.
Kosningarvakan var ÖMURLEG, bæði vegna þess að það vann enginn sem ég hafði einhverja skoðun á að ætti að vinna. Beneventum ráðið allt of Harry Potter eitthvað og forsetinn er leiðindagrenjuskjóða og leikfélagsbjáni. Hin ástðan yfir leiðindum kv. er sú að stjórnin þarf að fá sér sterk gleraugu svo það geti farið að sjá eitthvað meira en sjálft sig.
Á Laugardaginn fór ég ásamt Ernu að sækja Helgu á Leif. Hún var að koma úr vikulangri "náms"ferð í Danmörku. Hún hafði keypt sér mikið af hettupeysum.

Svo á miðvikudaginn fór ég á skemmtilegasta ball síðan bara á árshátíðinni en það var MR-grímuballið sem haldið var á Pravda. Ekkert vera að skoða myndirnar úr því, það er ekki ein einasta af mér. Fyrirpartíið var frekar dúbíus, Erna er með einstaklega furðulegu fólki í bekk, en það reddaðist þegar það uppgötvaðist að partíhaldarinn var með bar í öðru herberginu sínu. Ekki amalegt það.
Ég sá ekki eina einustu manneskju án búnings inná ballinu, sem að styrkir enn frekar afstöðu mína til að þess að MR sé virkilega búinn að hrífa til sín alan MH-andann. Nema MH-ingar séu orðnir svo þreyttir á að vera klæddir í grímufatnað dag daglega að þeir nenna ekki að standa í því fyrir þemaböll...
Hljómsveitin sem spilaði var ekki skemmtilega og þess vegna var gott að hún var í afskekktu herbergi. Slæma var að það er ekki hægt að troða öllum ballgestum á dansgólfið uppi, þó mikið væri reynt. Dúandi gólf gerir fílinginn bara meiri segi ég sko bara. Eftir að hafa staðið í miklum hide-and-seek með Ernu og dansað heilmikið (kenndi m.a. MR-vinkonu minni skokkarann og líkaði henni vel) komst ég í þvílíkan dansham og þá var ballið búið. Ég dró Ernu í burtu og við héldum ásamt fríðu föruneyti að bílastæðinu því Sandra var dræver kvöldsins. Þegar við komum þangað vonaði ég innilega að það væri hún sem hefði farið án okkar því annars hefði bílnum verið stolið. Svo varð ég bara pirruð því við þurftum að taka leigubíl heim. Það varð reyndar gaman því ég og Erna fórum bara út á skóla að róla. Ég kýs að hugsa ekki um hvernig við höfum litið út, hálffullorðnar manneskjur í engla og prinsessubúning að róla kl 2 um nótt, en þetta var mjög hressandi.

Á laugardaginn fór ég svo að vinna og það varð einn af þessum dögum þegar maður vinnur í níu tíma án matarhlés. Það sem hélt í mér lífinu var tilhlökkunin til afmælisins um kvöldið. Ég kom heim um sjö og var svo drulluþreytt að ég ákvað að leggja mig aðeins svo ég væri ekki alveg í ólagi um kvöldið. Ég vaknaði aftur klukkan hálf-ellefu, í pilsinu, bleiku hettupeysunni, sólgleraugun að potast í málaða kinnina á mér og linsurnar að líma á mér möskuruð augun, hress og kát. Verst að það var kominn morgunn. Til hamingju með afmælið samt stelpur, vonandi var það geðveikt gaman :)

Misheppnaði djammarinn og svefnmúsin kveður núna, ætla að leita að sumardagsskemmtilegheitum svo ég geti notað eitthvað af áfenginu mínu.
En ekki gleyma: Hot&Sweet ;)

Deep in my heart, I do believe...

2005-04-07T16:27:00.000Z

Í gegnum ævi mína hef ég mótmælt miklu. Ég mótmælti því að ganga í pilsi, ég mótmælti því að stelpur mættu bara vera í bleikum og því að stelpur ættu ekki að leika sér við stráka. Og einmitt í dag tók ég þátt í mínu fyrstu opinberu mótmælum. Ekki á vegum feministafélagsins að mótmæli mismunum kynja heldur var ég saman með ungu fólki af öllum kynjum og gerðum sem öll áttu það sameiginlegt að vera framhaldsskólanemar.
Og mótmæltum við öll háum rómi styttingu stúdentsnáms. Mótmælin voru að mestu friðsæl þó að einn grýtti Alþingishúsið með afurðum fiðurfénaðs og sumum yrði heitt í hamsi, en flestum var bara skítkalt og mótmæltu í anda hippa og notuðu tunguna.
Mér fannst mjög gaman að sjá unglýð landsins sameinaðan án gamalkunnugs rýgs. Mættum vel hafa meira svona. Forsetar að bera hvorn annan á öxlum sér og sameining allra. Hmm, hefðum öll átt að krækja höndum saman og syngja. We shall overcome, we shall overcome, we shall overcome someday...
Sannarlega gaman að þessu.

Annars finnst mér ákaflega leiðinlegt að umtalað teiti fellur niður vegna tæknilegra örðugleika. Ég ætla núna undir sæng að gráta beiskum tárum og bölva sólinni fyrir að skína svo skært.
I blame it on the sun...

Endir Íslands árið 2012?!

2005-04-06T14:12:00.000Z

Við munum öll deyja! (kannski)

Eitthvað lélegt og frekar síðbúið aprílgabb í gangi hér:

Vísindamenn telja að viðsnúningur geti orðið á segulsviði jarðar innan fárra ára og að risaeldgos yrði samfara því, sem gæti orðið á Íslandi. Slíkt eldgos yrði hundrað þúsund sinnum stærra en gosið í Grímsvötnum í fyrra. Hópur erlendra vísindamanna telur líkur á því að viðsnúningur eða svokölluð umpólun á segulsviði jarðar verði samtímis umpólun á segulsviði sólarinnar árið 2012, eða eftir 7 ár. Þeir telja einnig að risaeldgos yrði samfara því og eru fjórir líklegir gosstaðir á jörðinni nefndir í því sambandi: Ísland, Hawaii, Indónesía og Yellowstone í Bandaríkjunum.

Freysteinn Sigmundsson, jarðeðlisfræðingur á jarðvísindadeild Háskóla Íslands, telur ólíklegt að þetta gerist en að hans sögn hefur umpólun nokkrum sinnum orðið á segulsviði jarðar og getur slíkt haft mikil áhrif. Hann segir að ef þetta gerðist myndi segulsviðið minnka og deyja út og til yrði nýtt svið þar sem núverandi segulnorðurpóll yrði nálægt suðurskautinu í stað norðurpólsins. Þetta hefði áhrif á allt sem tengdist segulsviði og líklega yrði talsvert ójafnvægi í lífríkinu við þessar breytingar. Því gæti þetta haft umtalsverð áhrif á jörðinni.

Risaeldgos eru fátíð en hrikaleg þar sem þau geta valdið mikilli kólnun á jörðinni vegna gríðarlegs öskufalls og þau eru hættuleg vegna gastegunda sem fara út í andrúmsloftið. Vitað er um tvö slík eldgos, annað sem varð fyrir 74 þúsund árum í Toba-eldfjalli á Indónesíu og hitt sem varð fyrir 640 þúsund árum í Yellowstone í Bandaríkjunum. Að sögn Freysteins Sigmundssonar yrði slíkt eldgos um þúsund rúmkílómetrar eða um hundrað þúsund sinnum stærra en gosið sem varð í Grímsvötnum í nóvember síðastliðnum.

En hversu líklegt er að risaeldgos verði á Íslandi innan fárra ára? Freysteinn telur að það séu engin líkindi á því. Jarðvísindamenn búist við að sjá sambærilega undanfara og fyrir önnur eldgos, þ.e. að kvika safnist fyrir í jörðinni. Undanfari slíkra atburða gæti mælst í áratugum og það þurfi gríðarlegt magn af kviku að safnast fyrir og umfangsmikið landris verða. Ýmiss konar umbrot í sjáist í eldfjöllum á Íslandi en ofureldgos séu af allt annarri stærðargráðu.

http://www.visir.is/?PageID=38&NewsID=36907

Hundrað þúsund sinnum stærra eldgos en var í Grímsvötnum! Ég er flutt héðan beint eftir Menntaskóla. Á eldfjallalausan stað.
Mér finnst þetta svakalegt og svo talar þessi prófessor um þetta eins og morgunmatinn sinn. Gúrkutíð lokið núna, svo mikið er víst. Ætla að byrja að hamstra mat og byggja neðanjarðarbyrgi í garðinum.

Þakka samt mínu sæla fyrir að vera fulltrúi efa og trúleysis, annars væri ég virkilega að panika. Það sem mig langar helst að vita í sambandi við þetta er hvort þeir séu vissir með þessa umpólun sólar? Hvar eru frekari heimildir um þetta allt? Þessu er bara fleygt fram eins og skólaritgerð og vísir kallar sig öruggan fréttamiðil... Ég ætla að rannsaka þetta betur. Ekki missa höfuðið fyrr en frekari sannanna hefur verið aflað, þá hvet ég til áramótabrenna með tilheyrandi stússi, flugeldum og brennivíni. Eftir það erum við á guðs vegum (þ.e. ef flugfélögin bregðast okkur)

Atburðir og appelsínur

2005-04-04T18:57:00.000Z

Ný vika komin eftir frekar atburðaríka helgi.
Sá reyndar fram á frekar mikil leiðindi á föstudagskvöldið, en svo kom bjargvætturinn Erna og stakk upp á því að kíkja út að borða. Ásamt Halla vini O_o hennar kíktum við á Ruby Tuesday og fengum okkur ákaflega máltíð þar. Það var eitthvað par á næsta borði sem var að gæða sé á RISASTÓRUM og ákaflega girnilegum eftirrétt sem við urðum bara að prófa. Fengum okkur hálfan þannig rétt þrjú saman og gátum rétt borðað helminginn. Þetta var einhver ofur súkkulaðikaka með ís, rjóma og dísætri súkkulaðisósu. Einstaklega gott en ég skil samt ekki hvernig fólkið gat klárað heilan þannig, tvö, meðan við þrjú gátum ekki klárað nema helminginn af hálfum. Kannski var það vaxtarlagið á parinu sem að útskýrir þetta allt saman...

Svo á laugardaginn reif ég mig upp eldsnemma og fór með Ernu niðrí bæ að bíða í röð eftir miðum á Franz Ferdinand. það reyndist reyndar gjörsamlega tilgangslaust þar sem að það var engin röð og það seldist ekki einu sinni upp... Ég þurfti reyndar að skilja þau eftir því ég var að fara að vinna kl.9. Það má til gamans geta að stjörnuspáin mín þann daginn var eitthvað á þá leið að ég nennti ekki í vinnuna í dag og ætti því bara að vera heima en vitimenn! Ég hef bara aldrei skemmt mér eins vel í vinnunni né liðið svona vel eftir að hafa staðið og unnið stanslaust í 10 tíma. Ég var nefnilega á vegum nýju vinnunnar minnar í Blómaval að skreyta Egilshöll fyrir árshátíð KBbanka. Starf mitt þar fólst í því að breyta appelsínum í blómavasa. Það voru tvær appelsínur á hvert borð og svo eitthundraðogsextíu borð. Klapp fyrir Öldu appelsínu!
En þetta var svo sjúkt flott skreytt hjá okkur, þið verðið bara að redda manneskju sem fór þangað og spurja hana um þetta, hún fellur örugglega í öngvit af minningunni. Ég hefði svo viljað vera þarna, magnið af áfengi líka þarna var gríðarlegt. Örugglega tæmt heila áfengisverslun fyrir hvorn bar.

En laugardeginum er enn ekki lokið. Ég kíkti svo á þetta umtalaða mr-tebó, sem haldið var í sal hjá Ölveri í Glæsibæ, undir dulnefninu Sandra Karen Ragnarsdóttir til að sleppa við að borga mig inn. Þar var einhver einstaklega leiðinleg hljómsveit reyndi að halda uppi fjörinu. Það hefði mistekist ef talverð ölvun hefði ekki viðgengist.
Ég notaði tækifærið til að endurnýja kynni við gamla kunningja og styrkja kynnin við nýja kunningja, þar sem umtalsverður fjöldi beggja aðila var viðstaddur. Og ég sem hélt að ég þekkti engann í MR...

En mér tókst það afrek að vera hözzluð á tebóinu. Ég sat í mesta sakleysi við borðið, út í horni og passaði dótið okkar af miklum móð, þegar einhver mringur kom og byrjaði að tala við mig á fullu. Ég tilkunnti honum að ég væri edrú, sem hefði í flestum tilvikum fælt menn í burtu, en neinei. Hann reyndi bara að sannfæra mig um að fara út á gólf og dansa við einhvern og, síminn minn valdi einmitt þetta augnablik til að byrja að pípa, þar sem ég ætti greinilega síma og þá símanúmer gæti ég gefið einhverjum númerið mitt. Svo kom Guðrún og bjargaði mér. En ég er semsagt búin að finna hözzlleið. Sitja edrú og einmana út í horni.

Á sunnudaginn vaknaði ég allt of snemma og fór í stórskemmtilega fermingu, sem kom mér mjög á óvart. Fermingarbarnið afskapæega krúttlegt í limegrænum kjól og skreytingum í stíl. Gaman að því :)

Mikil vonbrigði með mútuleysi dagsins, kýs engann ef þetta heldur svona áfram. Fuss

Undarlegt athæfi

2005-03-26T12:28:00.000Z

Í gær, föstudaginn langa árið 2005, urðu þau undur og stórmerki að allir virtust hafa eitthvað fyrir höndum. Hvarvetna mátti sjá bíla fulla af einbeittu fólki sem keyrðu svo á dularfulla áfangastaði. Þykir þetta skrýtið sökum þess að í gær voru nánast allar verslanir lokaðar, sem og aðrir staðir skemmtunar. Eftir að hafa fylgst náið með dularfullum ferðum höfuðborgarbúa og velt fyrir mér hvers vegna mér var ekki boðið með þangað sem verið var að halda, kom í ljós að áfangastaðir voru bensínstöðvar. Hvarvetna mátti sjá bensínstöðvar fullar útúr dyrum af eirðarlausum borgarbúum. Eftir að hafa kannað aðstæður og fundið ekki neitt markvert í gangi þar, liggur spurningin í loftinu, "Hvað var í gangi?"

Gleðilega páska

Er Guð til?

2005-03-25T20:53:00.000Z

Ég vaknaði kl 9 í morgunn, og fannst einhvernveginn að eitthvað mundi gerast. Uppúr 10 var ég svo á leið upp í sumarbústað og starandi út um gluggann þá sá ég svolítið sem mundi kallast kraftaverk. Ég, lömbin mín, sá Guð sko...á himninum og ég trúi að hann hafi verið að reyna að segja mér að hann sé virkilega til. Ég gapti bara af undrun og vissi eiginlega ekki hvernig ég ætti að höndla þess sjón, þessa vitrun. Guð var þarna, að reyna að segja mér að hann væri til!
Þetta var Frelsun!

Svo hugsaði ég aðeins um þetta...og ég var ekki sannfærð. Sorrí, en þú floppaðir alveg með Biblíunni. Það er til fólk sem trúir að Harry Potter og Matrix sé í alvörunni, en ég er ekki geðveik eins og þau. Biblían er bara grín sem gekk of langt. Hringadróttinsaga síns tíma bara.

Ég ætla því að leiða þessa leiftursýn hjá mér og halda áfram að efast.

ABBA ER kúl!

2005-03-23T17:07:00.000Z

Jesús kristur, erum við að tala um að á núverandi gengi dollarans, eru geisladiskar á svona 1000 kall! Hvaða djöfulsins arðræningjar eru þarna í Skífunni? Af hverju lækka þeir ekki helvítis verðið hjá sér? Pirringur í gangi hjér. PIRR
En frí eru ömurleg. Ljóminn er bara svo mikill að maður sér ekki leiðindin sem fela sig bak við ofbirtuna. Booring. Ég er varla búin að gera neitt til að tala um, og fríið er hálfnað. Jú, ég er búin að vinna eins og mér finnist gaman að því, leggja Hróa Hött í einelti og éta yfir mig. Hvar er djammið ég nú bara spyr? Nú, eða öll heimavinnan sem ég ætlaði að klára? Einhvers staðar í draslinu í herberginu mínu tel ég.

Annars ætla ég að halda áfram að tala um tannlækna. Fór í morgun aftur og var deyfð í fyrsta skipti. Held að deyfingin hafi náð lengra en bara í munninn á mér því ég svínaði svo illilega að ég væri örugglega dáin ef hinn bílstjórinn hefði ekki brensað með þvílíku ískri. Ég skil ekki hvað gerðist, ég bara sá ekki bílinn... Gott að það eru einhverjir góðir bílstjórar þarna úti.
Annars með tannlækninn minn, það fer svo í mig að hann skuli ekki geta sagt mér hvað hann sé að gera hverju sinni, mér þætti ágætt að hann segði mér að hann væri núna að fara að bora, pikka, skola, hvað það er sem hann gerir. Mér finnst virkilega óþægilegt að vita ekki hvað sé verið að gera við mig, einhverjir sem eru sammála mér?

Man einhver hvað gerðist á skírdag?

^^^^
Artí: Kökumaskari
Fartí: Geisladiskaverð og Deilir

maiahiii maiahaa

2005-03-17T19:48:00.000Z

http://www3.ns.sympatico.ca/lyle_24/myhero.swf

Þetta er bara snilld :) HAHAHAHA

bara casjúal nöldur

2005-03-16T16:37:00.000Z

Mér er frámunað að skilja tannlækna. Án þess að ýkja, hver sér frama sinn í að potast í annarra manna munnum, með tilheyrandi slefi og skemmtilegheitum?
Ástæða þessara pælinga er ákaflega skemmtileg tannlæknisferð sem ég lenti í í vikunni.
Ég var í stólnum, gapandi út í loftið og tannlæknirinn minn að pota og pikka með tólum sem ég veit ekki hvað gera, svo spyr hann mig skyndilega hvort ég sé í skóla, ég sé að verða 18? Ég ennþá með hendurnar uppí mér reyni að svara honum og gef frá mér eitthvað furðulegt hljóð sem átti að tákna já. Gott mál,hann fer eitthvað að pikka í jaxlana og spyr svo hvaða skóla...og hvaða braut...og hvaða skóla Ingvar sé í og hvaða braut, og hvað með Jónas eiginlega? Eh, halló?! Ég er með munninn fullan af málmprikum og höndum! Ég er svo ekki að fara til tannlæknis aftur í bráð, mig langaði mest að sökkva niður í gólfið...

ÓÓóóóóJÁÁááá (hypergraphia)

2005-03-14T16:37:00.000Z

Vá vá vá VÁ, ég gæti skrifað svona fjórar bls. um hvað það var ÓTRÚLEGA gaman í skíðaferðinni, en ætla að reyna að halda aftur af mér. Ég fékk fráhvarsfeinkenni þegar ég kom heim í gærkvöldi, þetta var bara svo ótrúlegt, þrátt fyrir slappa byrjun þar sem manni var eiginlega farið að langa bara heim. Klukkustunda hopp í rútu með svartamyrkur fyrir utan og leiðinlegt busagimpi á ímyndunarfilleríi fyrir innan er ekki vinsælt. Við skulum elska Eddu Ósk að eilífu fyrir að hafa fundið þetta hús, sem var svo frábært að ég er að hugsa um að kalla það mitt annað heimili. Ekki skemmir að allt skemmtilega fólkið var þar, bara miðgarðsbusagimpi á hinum staðnum.
Svo kíktu nokkrir á Akureyrardjammið, Sjallinn var víst slappur - bara 25 ára barnaperrar, en ég kíkti á mannskapinn á Oddvitanum, karaókístaður með meiru. Takk til kærastans míns, sem kom mér inn!

Daginn eftir fór duglega fólkið - Helgi, Heiður, Gunnlaugur, Ísak og Brian á skíði. Skíðuðu allan daginn og fóru svo í sund... Hressa fólkið barðist hinsvegar við hríðina og kuldann og fór og verzlaði ódýrt bland í Bónus. Sá misskilningur að kex sé staðgóður matur er hérmeð leiðréttur.
Svo var deginum eytt í tjill og skemmtilegheit, Kristína hitaði upp fyrir kvöldið og þá er ekki um að ræða áfengi.
Greifinn var ekki skemmtilegheit. Þetta er Argentína Akureyrar og manneskjan mætir sem smokkur?! Grunnskólafílingurinn og wannabe-örbylgjupitsurnar voru ekki vinsælar.

Eftir smá desperatjón um að kvöldið væri ekki að gera sig skoraði Kristína á Þráinn í danskeppni sem að mun aldrei gleymast. Snilldin var svo mikil að það var biðröð við dyrnar og húsið fylltist af utangarðsmönnum sem skrúfuðu fyrir það að við yrðum án nokkurs hözzl. Danskeppnin var svo heit að ég hafði áhygjur af því að enginn slökkvitæki væru á staðnum, þrátt fyrir að reykskynjarar prýddu hvern vegg þarna inni. Kristína feisaði Þráinn, afturendi mjög mikið og vann hann svo, líklega vegna ofurölvunar Þráins, sem þó sýndi frábæra takta - stóllinn var góður og sokkurinn mun lifa lengi í okkar minnum.
Víkingarnir ég, Krístína og Unnur gengum svo niðrí íþróttaheimilið með íþróttaráðsgaurum og prísuðum okkur sælar að hafa ekki þurft að eyða helginni þar. Þetta var ömurlegur staður, busar ríðandi undir svefnpokanum hans Ragnars.
"Skemmtistaðir" Akureyrar voru álíka slappir.Ég komst allstaðar inn án skilríkja og Kristína sýndi fram á að hún héti virkilega Helena þegar dyravörðurinn kom á borðið og ætlaði að ná henni. (Tekinn!) Businn var svo á góðri leð með að skemma þetta allt saman með því að kalla hana svo Dagný háum rómi...
Ég, Vala og Gulli húkkuðum svo far á Oddvitann á skærgulri Hondu/Hyoundai? Civic og big-pimpin gaurum með aflitað hár undir stýrinu. KÚL!
Á Oddvitanum var hresst þjóðlagaband sem mun heita Selurinn, þeir ætla að tileinka okkur næsta disk sinn.

Meiri slappleiki tók svo aftur við í Íþróttaheimilinu og Unnur gekk í barndóm. Taxakerfið á Akureyri er ömurlegt og þess vegna urðum við vitni að þvílíkum barsmíðum að ég mun aldrei jafna mig. Við biðum svo lengi að mér er ennþá kalt á tánum, og það er ekki kúl að hözzla litlar stelpur á leigubílastöð kl. 6 um morgun.
Heima beið Edda okkar og hún talaði út í eitt. Hún var mjög vinsæl, ofurölvi en hélt samt uppi fjörinu. Svofóru allir að sofa fyrir sjö, nema ég og Unnur sem héldum íþróttaráði kompaní. Þeir fóru næstum allir milli sjö og átta, nema Arthúr sem varð viðskila við hópinn og villtist aftur til okkar, og businn sem að dó. HRESST!

Edda Ósk og Hulda fá prik fyrir að taka allt til, og Þröstur og Hemmi fyrir að þrífa klóstið.
Grínið í rútunni var frábært strákar!

Lög ferðarinnar: Danslögin, house-lög :), Bubbi, og Inevitable, sem mun brátt verða fáanlegt á hittari.is!

Vá, þetta var of langt...
Wave~

Nú er ég aldeilis hlessa...

2005-03-08T19:10:00.000Z

Loksins, loksins hefur það gerst. Það sem allir bíða eftir, en ekkert allir fá. Það gerist kannski, en stundum sleppur það bara fram hjá manni. En vá, það er búið að blogga illa um mig. Þetta er reyndar óbeint, ég er ekki nefnd á nafn, en það er þarna. Allt vegna þess að ég ákvað í eigingirniskasti að skrópa í einn dönskutíma.
Þetta er hjér: (linkurinn virðist ekki virka, en það er ss blog.central.is/stellabjork )

Þrír dagar í skíðaferð! Ég dansa :)

Annars vildi ég bara óska föður mínum til hamingju með 59 ára afmælið. Og enn eins og unglamb :)

Bloggbálkur

2005-03-06T18:39:00.000Z

Ég er viss um að allir hafa einhverntímann pælt í bloggum. Miðað við samfélagið í dag er ekki annað hægt, meira að segja ómálga börn blogga daglega, og þá er ég að tala um ungabörn, en ekki ótalandi gelgjur (OMG! LOL! o.s.frv.).
En flest blogg eru frásagnir frá daglegum viðburðum, skóli og sundferðir mjög algengt, hitt kynið, kynþroskinn, hvað foreldrar og vinir skilji viðkomandi ekki o.þ.h.
Svo eru það pælingar um lífið og tilveruna, er guð til?, af hverju eru allir vondir við mig?, hvað gerist þegar þessu lýkur og fleira í þessum dúr.
Fyrir 30 árum var ekkert internet, en samt gat fólk komið öllu því sem því lá á hjarta frá sér. Hvernig? Það hafði eitthvað sem kallast dagbækur, nema fólkið hafði þær ekki svona á display. Svo kannski hafa tímarnir breyst svo að fólk er orðið miklu opnara og tilbúnara að deila sér með öðrum?
Reyndar hef ég alltaf sagt að það sem í dagbækur fer er það sem aðrir eiga að sjá. Annars værirðu varla að skrifa það niður...

Þótt undarlegt sé er ég að hugsa um að fara og fá mér ís úr vél, svo þessi ritgerð verður að bíða.

Uhumm

2005-03-04T10:35:00.000Z

Afsakið að éghef ekkiskrifað neitt, en það var verið að nota svona vírusvarnarforrit á tölvunni, og fyrir einhverja furðulega ástæðu virkar netið ekki lengur. Vonast til að þvi verði kippt í liðinn sem fyrst.

Hef nákvæmlega ekkert að segja meira, helgi framundan sem ég hlakka heilmikið til, þó að það tandi ekki til að djamma neitt - til þess er skíðaferðin helgina eftir :)
Annars vona ég að skíðaferðin klúðrist ekki hjá mér, ég er nefnilega búin að segja upp vinnunni en ég þarf KANNSKI að vinna þá helgi. Altso...
Sjáum hvað setur.

Þog-Foka

2005-02-22T17:38:00.000Z

Það er sérdeilis merkilegt veður úti núna. Önnureins þoka hefur bara ekki verið í mínum minnum. Gróðurhúsaáhrif, lægðir og vökvasnjór. En það er allt í lagi, það verða bara börnin okkar sem eiga eftir að finna fyrir slæmum áhrifum gróðurhúsanna.
Mér finnst þetta svo merkilegt veður að ég hvái bara og humma daginn út og inn. Ef ég byggi í Englandi þætti mér þetta kannski bara ekkert merkilegt, en þetta er það, svo merkilegt að ég er hugfangin. Ég er að hugsa um að klæða mig upp sem dreka og ganga um spúandi eldi. Eru ekki annars drekar alltaf í þoku?

Nú er liðin vika síðan ég byrjaði í leikfimi hjá Báru. Þetta er þvílíkt aðhalds-námskeið, og það eru tvær þarna sem eru alger fjöll. En það er bara gaman (fyrir mig, ekki þær). Við áttum að vera búnar að léttast um kíló fyrir tímann í kveld, annars yrðum við teknar á teppið og látnar mæta í aukatíma. Gott mál að mér finnst gaman í aukatímum :)
Kennararnir eru einhverjar tvær stelpur, svona 25 ára, báðar geðveikt fitt og ég missti næstum hökuna þegar önnur þeirra sagðist eiga tvö börn og væri eiginlega nýkomin úr barneignarleyfi. Hún svitnaði varla í æfingunum og það voru einhverjar stelpur í dauðateygjunum þarna.
En ætla nú að flýta mér að njóta þokunnar með góðum göngutúr.

Closer

2005-02-20T20:59:00.000Z

Skellti mér í bíó í gær, á hina stórfínu mynd Closer en hún skartar stórleikurum á borð við Natalie Portman, Juliu Roberts, Jude Law og nánast óþekktum gaur sem ég kannast samt eitthvað við því hann lék í Troy.
En mér fannst myndin bara mjög góð. Hún fjallar um ást við fyrstu sýn, en mér trúi að það sé alveg hægt. Flestir hafa einhverskonar uppkast af draumamanneskjunni sinni í huganum og svo sér maður manneskju sem uppfyllir öll þau skilyrði, en þá finnst mér að það gæti samt bara verið einhliða. Það getur ekki bara verið útlitið, en ég hef aldrei verið ástfangin svo ég veit það ekki. Closer hafði sína góðu parta og slæmu parta. Þetta er rosalega opinská mynd, með miklu kynlífi og mikilli umræðu um það, án þess að vera of gróf. Bara svona hversdagslegt klám (við erum klámkynslóðin).
Karakterarnir voru mjög vel mótaðir þó að það sæist samt ekki alveg fyrr en í endann, í allri myndinni voru allskonar hlutir að koma upp á yfirborðið sem að lét mann sjá alla í nýju ljósi, en að voru samt engar ofurbreytingar. Bara tilfinningar og ruglingur.
Í byrjuninni voru allir svo fallegir og beinir eitthvað en svo þegar leið á myndina urðu allir eitthvað svo ljótir, hættu að vera svona Hollywood-fígúrur og urðu að fólki.
Mér fannst þetta stórfín mynd, sem tókst að kafa djúpt í þetta allt saman og gefa því nýja mynd einhvernveginn. Gef henni 4/5.

Setja í kassann

2005-02-20T05:19:00.000Z

Hmm, ég ætlaði að bæta við bloggi á hina síðuna en þá hvarf bara síðan með öllu klabbinum, og nú er hún ekki lengur til en samt er hún tekin frá, svo ég bjó bara til nýja. JammJamm.

En VÁ hvað það var gaman á Árshátíðinni. Ég var full efasemda, en svo var þetta svo mikið dansiball að annað eins hefur ekki þekkst síðan rykugar krár villta vestrins ómuðu ennþá af hljómum upptrekktra píanóa!
Allir voru svo hressir að það ætti að endurnefna borðið Hressleikaborð, og glamúrinn á mannskapnum blindaði hreinlega meðaljóna. Svakalegt svo að orð fá ekki lýst!